بارکھان: ڈپٹی کمشنر سعید الرحمن کاکڑ کی زیرِ صدارت انسدادِ پولیو مہم کے پہلے روز کا جائزہ اجلاس

بارکھان: ڈپٹی کمشنر بارکھان سعید الرحمن کاکڑ کی زیرِ صدارت 21 ستمبر کو ضلع بارکھان میں جاری انسدادِ پولیو مہم کے پہلے روز کی کارکردگی کا جائزہ لینے کے لیے ایوننگ ریویو میٹنگ (ERM) منعقد ہوئی۔

اجلاس میں پولیو مہم کی مجموعی کارکردگی، ٹیموں کی حاضری، فیلڈ سرگرمیوں، بچوں کی ویکسینیشن کوریج اور درپیش مسائل کا تفصیلی جائزہ لیا گیا۔ اجلاس میں اسسٹنٹ کمشنر بارکھان احسان الدین کاکڑ، ڈسٹرکٹ ہیلتھ آفیسر ڈاکٹر حسن ڈومکی، ڈسٹرکٹ پولیو آفیسر/WHO ڈاکٹر ناصر خان کھیتران اور ڈی ایم پی پی ایچ آئی غلام رسول کھیتران سمیت متعلقہ افسران و نمائندوں نے شرکت کی۔

ڈپٹی کمشنر نے ہدایت کی کہ تمام ٹیمیں فیلڈ میں بھرپور انداز میں خدمات انجام دیں اور پانچ سال سے کم عمر کوئی بھی بچہ پولیو سے بچاؤ کے قطرے پینے سے محروم نہ رہے۔ انہوں نے ٹیموں کی موثر مانیٹرنگ اور کم کوریج والے علاقوں پر خصوصی توجہ دینے کی ہدایت بھی کی۔

اجلاس میں مختلف یونین کونسلز کی کارکردگی کا جائزہ لیا گیا اور فیلڈ میں درپیش مسائل کے فوری حل کے لیے ہدایات جاری کی گئیں۔ ڈپٹی کمشنر نے کہا کہ پولیو کے خاتمے کے لیے ضلعی انتظامیہ، محکمہ صحت اور تمام متعلقہ ادارے باہمی تعاون سے موثر اقدامات جاری رکھیں گے۔

تصویر: بشکریہ ڈی جی پی آر بلوچستان