اسپیکر بلوچستان اسمبلی عبدالخالق اچکزئی نے چمن میں قاضی عبدالسلام لائبریری فیز ٹو کا افتتاح کر دیا

چمن: اسپیکر بلوچستان اسمبلی کیپٹن (ر) عبدالخالق خان اچکزئی نے قاضی عبدالسلام لائبریری فیز ٹو کا باقاعدہ افتتاح کر دیا۔

افتتاحی تقریب میں ڈپٹی کمشنر چمن حبیب احمد بنگلزئی، پاکستان مسلم لیگ (ن) کے ضلعی صدر حاجی عطاء اللہ خان اچکزئی، ڈپٹی میئر میونسپل کارپوریشن مطیع اللہ خان اچکزئی سمیت ادیبوں، شاعروں، دانشوروں اور علم و ادب سے وابستہ شخصیات نے شرکت کی۔

علم و ادب سے وابستہ حلقوں نے لائبریری فیز ٹو کے قیام اور افتتاح کو خوش آئند قرار دیتے ہوئے اسپیکر کا شکریہ ادا کیا۔ مقررین نے کہا کہ لائبریری کا قیام چمن میں مطالعے، تحقیق اور علم و ادب کے فروغ اور نوجوان نسل کو مثبت و تعمیری سرگرمیوں کی جانب راغب کرنے میں اہم کردار ادا کرے گا۔

انہوں نے کہا کہ جدید سہولیات سے آراستہ لائبریریاں کسی بھی معاشرے میں علمی و فکری ترقی کی بنیاد ہوتی ہیں، اور قاضی عبدالسلام لائبریری فیز ٹو چمن کے طلبہ، نوجوانوں، ادیبوں اور محققین کے لیے ایک اہم علمی مرکز ثابت ہوگی۔ شرکا نے علم و ادب کے فروغ کے لیے ایسے اقدامات جاری رکھنے اور نوجوان نسل کو مطالعے کے بہتر مواقع فراہم کرنے کی ضرورت پر زور دیا۔

تصویر: بشکریہ ڈی جی پی آر بلوچستان