کوئٹہ میں انسدادِ پولیو مہم کا چوتھا روز: ڈپٹی کمشنر مہراللہ بادینی کی زیرِ صدارت جائزہ اجلاس

کوئٹہ: ڈپٹی کمشنر کوئٹہ مہراللہ بادینی کی زیرِ صدارت انسدادِ پولیو مہم کے چوتھے روز کا ایوننگ ریویو اجلاس منعقد ہوا، جس میں نیشنل ای او سی کے ممبران، ڈی ایچ او کوئٹہ، ڈسٹرکٹ مانیٹرز، متعلقہ افسران اور دیگر حکام نے شرکت کی۔

اجلاس میں جاری پولیو مہم کی مجموعی پیش رفت کا تفصیلی جائزہ لیا گیا۔ شرکاء کو ڈور ٹو ڈور کوریج، اسکول کوریج، رفیوزلز، نان ایکسیسبل (NA)، اسٹل نان ایکسیسبل (Still NA)، کلسٹرز کی صورتحال، اسکولوں میں بچوں کی ویکسینیشن کوریج اور مہم کے دوران درپیش مشکلات پر تفصیلی بریفنگ دی گئی۔

ڈپٹی کمشنر مہراللہ بادینی نے تمام اسسٹنٹ کمشنرز اور متعلقہ افسران کو ہدایت کی کہ رفیوزلز کا روزانہ کی بنیاد پر مؤثر فالو اپ اور کوریج یقینی بنائی جائے، جبکہ نان ایکسیسبل علاقوں تک رسائی کے لیے تمام دستیاب وسائل بروئے کار لائے جائیں۔

انہوں نے زور دیا کہ مہم کے آخری دنوں میں ٹیمیں مزید محنت، مؤثر نگرانی اور مربوط حکمت عملی کے ذریعے ہر بچے تک پولیو ویکسین کی رسائی یقینی بنائیں تاکہ کوئی بچہ حفاظتی قطرے پینے سے محروم نہ رہے۔

تصویر: بشکریہ ڈی جی پی آر بلوچستان