بلوچستان کابینہ میں ردوبدل کا فیصلہ سینیٹ انتخابات تک موخر

کوئٹہ: بلوچستان کابینہ میں ردوبدل کا فیصلہ سینیٹ انتخابات تک موخر کر دیا گیا ہے۔ وزیراعلیٰ بلوچستان نے صوبائی کابینہ میں ردوبدل کا فیصلہ کیا تھا، کچھ وزرا کو فارغ کرنے اور بعض اراکین اسمبلی کو شامل کرنے کی فہرست بھی تیار کی گئی تھی۔ اس پر ممکنہ طور پر شامل ہونے والے بعض اراکین اسمبلی نے حلف اٹھانے سے پہلے مٹھائی تقسیم کی، جبکہ فارغ ہونے والے وزرا نے حکومت کے خلاف لابنگ شروع کر دی۔

اس صورتحال میں دباؤ کے تحت وزیراعلیٰ بلوچستان نے پاکستان مسلم لیگ (ن) اور پاکستان پیپلز پارٹی کی مرکزی قیادت سے مشاورت کی۔ مشاورت کے بعد یہ فیصلہ ہوا کہ سینیٹ الیکشن سے پہلے کابینہ میں ردوبدل سے انتخابات پر برے اثرات مرتب ہوں گے، اس لیے کابینہ میں ردوبدل کا فیصلہ مارچ 2027 میں سینیٹ الیکشن تک موخر کر دیا گیا ہے۔