بارکھان: اسسٹنٹ کمشنر کا اندرڑ پور میں پینے کے پانی کی قلت کا معائنہ

بارکھان: ڈپٹی کمشنر ضلع بارکھان سعید الرحمن کاکڑ کی خصوصی ہدایات پر اسسٹنٹ کمشنر راڑہ شم انضمام قاسم سیلاچی نے یونین کونسل اندرڑ پور کے علاقے برگ پشت کا دورہ کیا۔

یہ اقدام علاقے میں پینے کے پانی کی قلت سے متعلق موصول ہونے والی عوامی شکایات کے فوری نوٹس پر اٹھایا گیا۔

دورے کے دوران اسسٹنٹ کمشنر نے مقامی آبادی کو پینے کے صاف پانی کی فراہمی کے لیے مختلف موزوں سائٹس کا تفصیلی معائنہ اور جائزہ لیا۔

اس موقع پر انضمام قاسم سیلاچی نے علاقے کے مکینوں کو یقین دہانی کرائی کہ محکمہ پبلک ہیلتھ انجینئرنگ (پی ایچ ای) کے تعاون سے جلد تکنیکی سروے مکمل کیا جائے گا۔ انہوں نے کہا کہ یونین کونسل اندرڑ پور کے عوام کو پینے کے صاف پانی کی فراہمی ترجیحی بنیادوں پر یقینی بنائی جائے گی تاکہ ان کا دیرینہ مسئلہ جلد از جلد حل ہو سکے۔