بی ٹیوٹا کے ایم ڈی عبدالکبیر زرکون کی برٹش ڈپٹی ہائی کمشنر سے ملاقات، فنی تعلیم میں تعاون پر اتفاق

کوئٹہ: بلوچستان ٹیکنیکل اینڈ ووکیشنل ٹریننگ اتھارٹی (بی ٹیوٹا) کے منیجنگ ڈائریکٹر عبدالکبیر زرکون کی وفد کے ہمراہ برٹش ڈپٹی ہائی کمشنر ایلیسن بلیک برن (Alison Blackburne) سے اہم اور خوشگوار ملاقات ہوئی۔

ملاقات میں بلوچستان میں فنی و پیشہ ورانہ تعلیم (TVET) کے شعبے میں ان کی خدمات کو خراجِ تحسین پیش کیا گیا اور صوبے میں اس شعبے کے مزید فروغ کے لیے باہمی تعاون بڑھانے اور مل کر کام کرنے پر اتفاق کیا گیا۔ گفتگو میں بلوچستان میں فنی تربیت کی بہتری اور نوجوانوں کو ہنرمند بنانے میں برٹش کونسل کے مثبت اور متحرک کردار کو بھی سراہا گیا۔

برٹش ڈپٹی ہائی کمیشن نے مہمانوں کا گرمجوشی سے خیرمقدم کیا اور بلوچستان میں فنی تعلیم کے فروغ کے لیے مکمل، مسلسل اور ہر ممکن تعاون کا یقین دلایا۔ ملاقات کے اختتام پر باہمی تعلقات اور تعاون کی علامت کے طور پر یادگاری شیلڈز کا تبادلہ ہوا۔

تصویر: بشکریہ ڈی جی پی آر بلوچستان