یومِ آزادی پر جنوبی ڈیرہ بگٹی میں پولیس کا فلیگ مارچ، اہم بازاروں میں سیکیورٹی انتظامات کا جائزہ

ڈیرہ بگٹی: یومِ آزادی کے موقع پر جنوبی ڈیرہ بگٹی میں پولیس نے فلیگ مارچ کیا۔ ایس ایچ او تھانہ ساؤتھ ڈیرہ بگٹی کی نگرانی میں فلیگ مارچ تھانے سے شروع ہوا اور شہر کے مختلف علاقوں، اہم شاہراہوں اور بازاروں سے ہوتا ہوا واپس تھانہ ساؤتھ ڈیرہ بگٹی پر اختتام پذیر ہوا۔

اس موقع پر ایس ایچ او نے شہر کے اہم بازاروں اور مختلف مقامات پر سیکیورٹی انتظامات کا جائزہ لیا اور اہلکاروں کو ضروری ہدایات دیں۔

پولیس حکام کے مطابق فلیگ مارچ کا مقصد یومِ آزادی پر امن و امان برقرار رکھنا، عوام کے اعتماد میں اضافہ اور مؤثر پولیسنگ کو یقینی بنانا ہے۔ ان کا کہنا تھا کہ پولیس کی منظم نقل و حرکت اور تیاری کے مظاہرے کے ساتھ مختلف مکاتبِ فکر کے شہریوں کو اس خوشی کے موقع پر شرکت اور اظہارِ رائے کا موقع دینا بھی مقصود ہے۔ شہریوں نے بھی اس اقدام کو سراہا۔

تصویر: بشکریہ ڈی جی پی آر بلوچستان