مارکیٹمحمد اورنگزیب کی ابوظہبی کمرشل بینک کے وفد سے ملاقات، انفراسٹرکچر اور ڈیجیٹل مالیات پر گفتگو
اسلام آباد: وفاقی وزیرِ خزانہ و محصولات سینیٹر محمد اورنگزیب نے تھائی لینڈ کے شہر بنکاک میں ورلڈ بینک گروپ اور آئی ایم ایف کے سالانہ اجلاسوں 2026 کے موقع پر ابو ظہبی کمرشل بینک کے وفد سے ملاقات کی۔ ملاقات میں پاکستان کی معاشی صورتِ حال، مالیاتی تعاون اور سرمایہ کاری کے مواقع پر تبادلہ خیال کیا گیا۔
وزارتِ خزانہ کی جانب سے ہفتہ کو جاری اعلامیہ کے مطابق وزیرِ خزانہ نے آئی ایم ایف پروگرام کے تحت پیش رفت، مالیاتی استحکام، زرمبادلہ کے ذخائر میں اضافے اور برآمدات پر مبنی پائیدار ترقی کے لیے حکومت کے عزم کو اجاگر کیا۔
قرضوں کا انتظام
ملاقات میں سرمایہ منڈیوں کے ذریعے مالی وسائل کے حصول اور قرضوں کے انتظام سے متعلق امور پر گفتگو ہوئی، جن کا مقصد مہنگے قلیل مدتی قرضوں کی جگہ بہتر مالیاتی ذرائع اختیار کرنا، قرضوں کی ادائیگی کی مدت بڑھانا اور ادائیگیوں کے بوجھ کو مختلف ادوار میں متوازن بنانا ہے۔
وزیرِ خزانہ نے بینک کی جانب سے متعدد مالیاتی معاملات میں دلچسپی کا خیرمقدم کیا، جن میں پاکستان کے لیے کریڈٹ حدود کی بحالی، انٹرنیشنل اسلامک ٹریڈ فنانس کارپوریشن کی مالی معاونت میں شرکت، ملٹی لیٹرل انویسٹمنٹ گارنٹی ایجنسی کی ضمانت سے مالی معاونت اور انٹرنیشنل فنانس کارپوریشن کی معاونت سے متنوع ادائیگی حقوق پر مبنی مالیاتی لین دین شامل ہیں۔
سرمایہ کاری کے مواقع
وزیرِ خزانہ نے ریفائنریوں کی اپ گریڈیشن، نجکاری، ہوائی اڈوں کے انتظام کو آؤٹ سورس کرنے، بجلی کی ترسیل اور ایم ایل ون ریلوے منصوبے میں سرمایہ کاری کے مواقع کو بھی اجاگر کیا۔
دونوں جانب سے ڈیٹا سینٹرز کے لیے مالی معاونت اور ڈیجیٹل مالیات کے امکانات کا جائزہ لیا گیا، جبکہ بجلی کی مسابقتی قیمتوں اور مؤثر ضابطہ جاتی نظام کی اہمیت پر بھی زور دیا گیا۔
ملاقات میں علاقائی تنازعات کے معاشی اثرات، توانائی کے تحفظ اور ہدفی ریلیف کے اقدامات کا بھی جائزہ لیا گیا۔ ان معاملات پر آئندہ رابطہ کاری وزارتِ خزانہ کے ڈیبٹ مینجمنٹ آفس کے ذریعے کی جائے گی۔
مزید پڑھیں: کاروبار
کراچی میں 20 کلو آٹے کا تھیلا 3540 روپے کا، ملک بھر میں سب سے مہنگا
پیٹرول 88 پیسے اور ہائی اسپیڈ ڈیزل 53 پیسے فی لیٹر مہنگا، نئی قیمتیں 21 اکتوبر سے نافذ
موسم سرما میں گیس کی طلب پوری کرنے کیلئے حکومت کا درآمدی ایل این جی کے 18 کارگوز خریدنے کا فیصلہ
انٹربینک میں ڈالر مزید 3 پیسے سستا، 276 روپے 87 پیسے پر بند
وزیراعظم نے آٹو پالیسی 2026-31 منظور کر لی، گاڑیوں کی برآمدات 6 ارب ڈالر تک بڑھانے کا ہدف
جام کمال خان سے امریکی ناظم الامور کی ملاقات، تجارت، سرمایہ کاری اور آم و کھجور کی برآمد پر گفتگو
سعودی عرب پر حوثیوں کے تازہ حملوں کے بعد برینٹ خام تیل 110.03 ڈالر فی بیرل تک پہنچ گیا
پہلی سہ ماہی میں بیرونی قرضوں میں 200 فیصد اضافہ، حکومت نے 5.45 ارب ڈالر قرض لیا
ایکسپورٹ فیسلیٹیشن اسکیم جاری رہے گی، غلط استعمال روکا جائے گا: بلال اظہر کیانی کا قومی اسمبلی میں بیان
یکم جنوری 2027 سے بجلی کا نیا ٹیرف 27 روپے 30 پیسے فی یونٹ کرنے کی تجویز، سی پی پی اے کی درخواست
وزارتِ خزانہ کی وضاحت: قرض اور جی ڈی پی کا تناسب 75 سے کم ہو کر 68 فیصد رہ گیا
