ریاض ایئرپورٹ پر حوثی حملوں میں 17 پاکستانی زخمی، 15 اسپتال سے فارغ

ریاض: سعودی دارالحکومت ریاض کے کنگ خالد انٹرنیشنل ایئرپورٹ پر حوثیوں کے دو حملوں میں 17 پاکستانی شہری زخمی ہو گئے، جن میں پانچ خواتین بھی شامل ہیں۔

پاکستانی سفارتی ذرائع کے مطابق زخمیوں میں سے 15 کو اسپتالوں سے ڈسچارج کر دیا گیا ہے، جبکہ دو تاحال زیرِ علاج ہیں۔

ذرائع کے مطابق 10 اکتوبر کو ہونے والے پہلے حملے میں 12 افراد جاں بحق اور 309 زخمی ہوئے تھے۔ متاثرین میں پاکستانی شہری بھی شامل تھے۔

11 اکتوبر کو ایئرپورٹ پر دوسرا حملہ ہوا، جس میں ایک پاکستانی شہری جاں بحق اور 11 افراد زخمی ہوئے۔

سفارتی ذرائع کا کہنا ہے کہ دونوں حملوں میں زخمی ہونے والے پاکستانیوں کو طبی امداد فراہم کی گئی۔ 15 افراد صحت یاب ہو کر اسپتالوں سے فارغ ہو چکے ہیں، جبکہ دو شہریوں کا علاج ریاض کے اسپتال میں جاری ہے۔ متاثرہ افراد کی طبی صورتحال پر نظر رکھی جا رہی ہے۔