رشمیکا مندانا: وجے دیوراکونڈا کو شادی پر آمادہ کرنے میں پورا ایک سال لگا

ممبئی: بالی ووڈ کی معروف جوڑی رشمیکا مندانا اور وجے دیوراکونڈا نے اپنی شادی سے متعلق ایک دلچسپ انکشاف کیا ہے۔

دونوں نے حال ہی میں کافی ود کرن کے سیزن 9 میں بطور مہمان شرکت کی۔ شو کے دوران میزبان کرن جوہر نے پوچھا کہ دونوں میں سے شادی کے لیے پہلے کس نے پروپوز کیا۔

اس سوال کے جواب میں رشمیکا مندانا نے نفی میں سر ہلا دیا، جب کہ وجے دیوراکونڈا نے کہانی سنانا شروع کر دی۔ انہوں نے بتایا کہ رشمیکا مجھ سے مسلسل کہتی رہیں کہ چلو شادی کر لیتے ہیں اور یہ بات میں تقریباً 100 مرتبہ سن چکا تھا۔

کرن جوہر نے حیرت سے رشمیکا مندانا سے اس بات کی تصدیق چاہی تو اداکارہ نے مسکراتے ہوئے کہا کہ میں پورے ایک سال تک انہیں شادی کے لیے آمادہ کرتی رہی۔