ایل این جی بحران کا خدشہ: قطر سے 3 کارگو لینے کا فیصلہ، ایران سے رابطے کی تیاری

اسلام آباد (اعتماد ڈیسک): ایل این جی کی سپلائی پر خدشات کے پیش نظر حکومت نے قطر سے 3 ایل این جی کارگو لینے کا فیصلہ کیا ہے، جبکہ کارگوز کی محفوظ اور بلاتعطل گزرگاہ یقینی بنانے کے لیے ایرانی حکام سے رابطے کی تیاری بھی کی جا رہی ہے۔

ذرائع کے مطابق ایرانی حکام سے رابطے کا مقصد یہ ہے کہ سمندری راستے پر کوئی رکاوٹ پیش نہ آئے اور کارگوز بروقت پاکستان پہنچ سکیں۔

یہ پیش رفت ایسے وقت سامنے آئی ہے جب قطر انرجی نے پاکستان کو ایل این جی کی فراہمی پر فورس میجور کی مدت 4 نومبر تک بڑھا دی ہے۔

دوسری جانب حکام نے خدشہ ظاہر کیا ہے کہ توانائی کا یہ تعطل آنے والے موسم سرما میں بھی برقرار رہ سکتا ہے، اس لیے ملک میں گیس کے ممکنہ بحران سے نمٹنے کے لیے فوری اور متبادل اقدامات کیے جا رہے ہیں۔