کمشنر نصیرآباد صلاح الدین نورزئی کی زیرِ صدارت سی آر سی اجلاس، عدالتی حکم پر 15 روزہ تحقیقاتی کمیٹی قائم

نصیرآباد: کمشنر نصیرآباد ڈویژن صلاح الدین نورزئی کی سربراہی میں جعفرآباد کی سی آر سی کا اجلاس منعقد ہوا، جس میں ڈویژنل ڈائریکٹر اسکولز محمد عظیم ساجدی، ڈسٹرکٹ ایجوکیشن آفیسر جعفرآباد عائشہ بگٹی اور کمیٹی کے دیگر اراکین نے شرکت کی۔

اجلاس میں ضلع جعفرآباد کے ایک امیدوار کی جانب سے ہائی کورٹ میں دائر درخواست اور عدالتی احکامات کی روشنی میں معاملے کا جائزہ لیا گیا۔ کمشنر نے حقائق کی مکمل جانچ پڑتال اور شفاف تحقیقات کے لیے کمیٹی تشکیل دے دی، جس کے چیئرمین ڈویژنل ڈائریکٹر اسکولز محمد عظیم ساجدی ہوں گے جبکہ ڈسٹرکٹ ایجوکیشن آفیسر جعفرآباد عائشہ بگٹی اور پرنسپل گرلز کالج اس کے ممبران ہوں گے۔

کمیٹی کو ہدایت کی گئی کہ وہ پندرہ روز کے اندر تمام پہلوؤں اور وجوہات کا باریک بینی سے جائزہ لے کر اپنی سفارشات اور تحقیقاتی رپورٹ سی آر سی اجلاس میں پیش کرے۔ کمشنر صلاح الدین نورزئی نے کہا کہ عدالتی احکامات پر ہر صورت عملدرآمد یقینی بنایا جائے گا اور شفاف و غیرجانبدارانہ تحقیقات کرکے حقائق سامنے لائے جائیں گے۔

تصویر: بشکریہ ڈی جی پی آر بلوچستان