گورنر جعفرخان مندوخیل کا سابق سینیٹر نصیب اللہ خان بازئی کے انتقال پر اظہارِ تعزیت

کوئٹہ: گورنر بلوچستان جعفرخان مندوخیل نے سابق سینیٹر نصیب اللہ خان بازئی کے انتقال پر گہرے رنج اور افسوس کا اظہار کیا ہے۔

اپنے تعزیتی بیان میں گورنر بلوچستان نے کہا کہ مرحوم نصیب اللہ خان بازئی ایک شریف النفس اور باوقار انسان تھے، جنہوں نے عوامی خدمت کے میدان میں گرانقدر خدمات انجام دیں جنہیں تادیر یاد رکھا جائے گا۔

گورنر نے مرحوم کے درجات کی بلندی اور مغفرت کے لیے دعا کرتے ہوئے کہا کہ اللہ تعالیٰ مرحوم کو جوارِ رحمت میں جگہ عطا فرمائے اور سوگوار خاندان کو ہمت اور صبرِ جمیل عطا فرمائے۔

ڈی جی پی آر کی جاری کردہ تصویر میں گورنر بلوچستان جعفرخان مندوخیل کو اسلام آباد کے شفاء انٹرنیشنل ہسپتال میں سینیٹر نصیب اللہ خان بازئی کی عیادت کرتے دیکھا جا سکتا ہے، جہاں صوبائی وزیر میر عاصم کرد گیلو، سینیٹر سید الحسن مندوخیل اور ایم پی اے زرک خان مندوخیل بھی موجود تھے۔

تصویر: بشکریہ ڈی جی پی آر بلوچستان