گوادر: کلمتی ٹیچنگ ہسپتال میں اکتوبر کے دوران 11 ہزار 645 او پی ڈی مریضوں کا معائنہ

گوادر: میڈیکل سپرنٹنڈنٹ میر عبدالغفور کلمتی ٹیچنگ ہسپتال ڈاکٹر حفیظ بلوچ نے کہا ہے کہ وزیراعلیٰ بلوچستان کے صحت عامہ وژن کے تحت عوام کو معیاری اور بروقت طبی سہولیات کی فراہمی صوبائی حکومت کی اولین ترجیحات میں شامل ہے۔

اسی سلسلے میں میر عبدالغفور کلمتی ٹیچنگ ہسپتال گوادر میں اکتوبر 2026 کے دوران ہزاروں مریضوں کو علاج، تشخیص، طبی معائنے اور مختلف شعبوں میں صحت کی سہولیات فراہم کی گئیں۔

ہسپتال کی جاری کردہ ماہانہ رپورٹ کے مطابق:

او پی ڈی، ایمرجنسی اور گائنی

ماہ اکتوبر کے دوران او پی ڈی میں 11 ہزار 645 مریضوں کا معائنہ کیا گیا، جبکہ ایمرجنسی میں 1 ہزار 590 اور شام کی او پی ڈی میں 870 مریضوں کو طبی سہولیات فراہم کی گئیں۔

گائنی او پی ڈی میں 1 ہزار 615 خواتین کا معائنہ کیا گیا، جبکہ زچہ و بچہ کی نگہداشت کے تحت 520 قبل از پیدائش چیک اپ، بعد از پیدائش 7 معائنے اور 50 زچگیاں انجام دی گئیں۔

تشخیصی سہولیات، ڈائیلاسز اور ڈینٹل

تشخیصی سہولیات کے تحت 300 الٹراساؤنڈ، 18 ای سی جی اور 731 ایکسرے کیے گئے۔ ملیریا کی 2 ہزار 159 اسکریننگ، ہیپاٹائٹس بی کے 796 ٹیسٹ، ہیپاٹائٹس سی کے 410 اور ایچ آئی وی کے 410 ٹیسٹ کیے گئے۔

ان اسکریننگ ٹیسٹوں میں بالترتیب 6 ملیریا پی ایف، 63 پی وی، ہیپاٹائٹس بی کے 11، ہیپاٹائٹس سی کے 6 اور ایچ آئی وی کا ایک مثبت کیس سامنے آیا۔

ہسپتال کے ڈائیلاسز یونٹ میں 86 مریضوں کو سہولت فراہم کی گئی، بلڈ بینک کے ذریعے 386 اور لیبارٹری میں 12 ہزار 663 ٹیسٹ کیے گئے۔

ٹی بی اسکریننگ کے دوران 52 افراد کی جانچ کی گئی، جن میں ایک کیس مثبت رپورٹ ہوا، جبکہ ڈینٹل ڈیپارٹمنٹ میں 135 مریضوں کا معائنہ، 111 دانت نکالنے اور 36 فلنگ و روٹ کینال کے علاج کیے گئے۔

ہسپتال میں مختلف طبی شعبوں کی فعالیت اور تشخیصی سہولیات کے ذریعے شہریوں کو علاج معالجے کی فراہمی کا سلسلہ جاری ہے، جو عوام کو صحت کی بنیادی اور ضروری سہولیات ان کی دہلیز پر فراہم کرنے کے صوبائی حکومت کے عزم کی عکاسی کرتا ہے۔

تصویر: بشکریہ ڈی جی پی آر بلوچستان