ڈپٹی کمشنر چمن کی زیرِ صدارت مالی سال 2025-26 کے مکمل ترقیاتی منصوبوں کی فزیکل ویریفکیشن پر اجلاس

چمن: ڈپٹی کمشنر چمن حبیب احمد بنگلزئی کی زیرِ صدارت مالی سال 2025-26 کے دوران مکمل ہونے والے ترقیاتی منصوبوں (Development Schemes) کی فزیکل ویریفکیشن سے متعلق اہم اجلاس منعقد ہوا، جس میں متعلقہ محکموں کے افسران نے شرکت کی۔

اجلاس میں ضلع بھر میں مکمل کیے گئے ترقیاتی منصوبوں کی موجودہ صورتحال، معیارِ تعمیر، شفافیت اور عوامی افادیت کا تفصیلی جائزہ لیا گیا۔

ڈپٹی کمشنر نے ہدایت کی کہ تمام مکمل شدہ ترقیاتی منصوبوں کی فزیکل ویریفکیشن مقررہ مدت میں شفاف، غیر جانبدارانہ اور مؤثر انداز میں مکمل کی جائے تاکہ یقینی بنایا جا سکے کہ تمام منصوبے منظور شدہ معیار، ڈیزائن اور حکومتی قواعد و ضوابط کے مطابق مکمل کیے گئے ہیں۔

انہوں نے کہا کہ ترقیاتی منصوبوں میں معیار پر کسی قسم کا سمجھوتہ قابلِ قبول نہیں ہوگا۔ اگر ویریفکیشن کے دوران کسی منصوبے میں خامی، کوتاہی یا بے ضابطگی سامنے آئی تو متعلقہ محکموں کو فوری اصلاحی اقدامات کی ہدایت کی جائے گی اور ذمہ داروں کے خلاف قانون کے مطابق کارروائی عمل میں لائی جائے گی۔

ڈپٹی کمشنر نے زور دیا کہ عوامی وسائل کے شفاف اور مؤثر استعمال کو یقینی بنانا ضلعی انتظامیہ کی اولین ترجیح ہے تاکہ ترقیاتی منصوبوں کے ثمرات بروقت اور بلاامتیاز عوام تک پہنچ سکیں۔

تصویر: بشکریہ ڈی جی پی آر بلوچستان