چیف سیکرٹری شکیل قادر خان کی زیرِ صدارت اخوت کے ساتھ اجلاس: بلاسود قرضوں، سولر اور کم لاگت رہائش کے لیے 6 ارب

کوئٹہ: چیف سیکرٹری بلوچستان شکیل قادر خان کی زیرِ صدارت اخوت کے نمائندوں اور متعلقہ محکموں کے حکام کا اہم اجلاس منعقد ہوا، جس میں عوام کو بلاسود قرضے فراہم کرنے کے پروگراموں کے نفاذ اور توسیع پر تفصیلی غور کیا گیا۔

صوبائی حکومت نے روزگار کے مواقع پیدا کرنے، سولر توانائی کے نظام کی فراہمی اور کم لاگت رہائش کے لیے مالی معاونت کے اقدامات کے لیے 6 ارب روپے کی رقم مختص کی ہے۔

اجلاس میں بتایا گیا کہ اخوت کے ذریعے بلاسود قرضے کم آمدنی والے گھرانوں، نوجوانوں اور چھوٹے کاروباری اداروں تک تیزی سے پہنچائے جائیں گے تاکہ روزگار کے نئے ذرائع پیدا ہوں اور مقامی معیشت کو تقویت ملے۔

مختلف اضلاع میں سولر سسٹم کی فراہمی بھی ایجنڈے میں شامل تھی۔ کہا گیا کہ شمسی توانائی دیہی اور بجلی سے محروم علاقوں میں مستقل توانائی کی فراہمی میں اہم کردار ادا کرے گی، جبکہ کم لاگت ہاؤسنگ کے لیے قرضوں کی فراہمی کے منصوبے بھی زیرِ غور آئے۔

چیف سیکرٹری نے متعلقہ محکموں (انڈسٹری، فنانس) اور اخوت کے نمائندوں پر زور دیا کہ عوام تک سہولتیں بروقت اور شفاف انداز میں پہنچائی جائیں۔ اجلاس میں سیکرٹری انڈسٹریز خالد سرپرہ، سیکرٹری فنانس جہانگیر کاکڑ اور دیگر موجود تھے۔

تصویر: بشکریہ ڈی جی پی آر بلوچستان