پسنی اور گوادر میں پانی کے مسائل: وسیم صمد کی قیادت میں وفد کی جی ڈی اے چیف انجینئر سے ملاقات

گوادر: رکن صوبائی اسمبلی گوادر مولانا ہدایت الرحمان بلوچ کے معاون وسیم صمد کی قیادت میں ایک نمائندہ وفد نے جی ڈی اے کے چیف انجینئر حاجی سید محمد سے ملاقات کی۔ وفد میں اکرم فدا اور بابر شہزاد بھی شامل تھے۔

ملاقات میں نیا آباد گوادر، کنڈاسول، چکلی اور شتنگی سمیت مختلف علاقوں میں پانی کی فراہمی اور سپلائی کنکشن سے متعلق عوامی مسائل پر تفصیلی تبادلۂ خیال کیا گیا۔ وفد نے پسنی میں مقامی آبادی کو درپیش پانی کی قلت اور گوادر کو پانی کی فراہمی کے باعث پیدا ہونے والی صورتحال سے بھی جی ڈی اے حکام کو آگاہ کیا۔

وفد نے پسنی کے لیے الگ مین سپلائی لائن کنکشن قائم کرنے پر زور دیا تاکہ مقامی آبادی کو پانی کی فراہمی بہتر بنائی جا سکے۔ جی ڈی اے حکام نے دیگر مسائل کے حل کے لیے بھی عملی اقدامات اٹھانے کی یقین دہانی کرائی۔

تصویر: بشکریہ ڈی جی پی آر بلوچستان