گرلز ڈگری کالج گوادر میں بلوچستان یوتھ ڈویلپمنٹ پروگرام کے تحت طالبات کا چار روزہ تربیتی سیشن

گوادر: طالبات کو جدید دور کے تقاضوں سے ہم آہنگ کرنے کے لیے بلوچستان یوتھ ڈویلپمنٹ پروگرام کے تحت گورنمنٹ گرلز ڈگری کالج گوادر میں چار روزہ تربیتی سیشن کا انعقاد کیا گیا، جو 25 اگست سے 28 اگست تک جاری رہے گا۔

محکمہ کھیل و امورِ نوجوانان بلوچستان کے زیرِ اہتمام یہ تربیتی پروگرام وزیر اعلیٰ بلوچستان میر سرفراز احمد بگٹی کے نوجوانوں کو بااختیار بنانے اور انہیں روزگار و عملی زندگی کے لیے تیار کرنے کے وژن کا حصہ ہے، جس کی نگرانی مشیرِ وزیر اعلیٰ برائے کھیل و امورِ نوجوانان مینا مجید بلوچ کر رہی ہیں۔

ورکشاپ میں طالبات کو قیادت، مؤثر ابلاغ، کاروباری و پیشہ ورانہ مہارتوں، سی وی کی تیاری اور انٹرویو کی تیاری سمیت اہم عملی مہارتیں سکھائی گئیں۔ تربیت کا مقصد طالبات میں خود اعتمادی پیدا کر کے انہیں مستقبل کے تعلیمی، پیشہ ورانہ اور کاروباری مواقع کے لیے تیار کرنا ہے۔

تربیتی سیشنز ڈاکٹر عبدالمجید ناصر، محترمہ قرۃ العین اور ڈاکٹر غلام جان کی زیرِ نگرانی منعقد ہوئے، جن میں طالبات نے بھرپور دلچسپی کا اظہار کیا۔

تصویر: بشکریہ ڈی جی پی آر بلوچستان