ڈپٹی کمشنر سوراب صاحبزادہ نجیب اللہ کا میونسپل کمیٹی کا دورہ، صفائی اور شہری سہولیات بہتر بنانے کی ہدایت

سوراب: ڈپٹی کمشنر سوراب صاحبزادہ نجیب اللہ نے اسسٹنٹ ڈائریکٹر لوکل گورنمنٹ سعید احمد ساسولی، اسسٹنٹ انجینئر عبدالخالق اور دیگر افسران کے ہمراہ میونسپل کمیٹی سوراب کا دورہ کیا۔

وائس چیئرمین میونسپل کمیٹی سوراب شیخ محمد یاسین سمالانی اور جمیل احمد محمد حسنی نے ڈپٹی کمشنر کو میونسپل کمیٹی کے امور، جاری سرگرمیوں اور درپیش مسائل پر بریفنگ دی۔ ڈپٹی کمشنر نے دفتر، فائر بریگیڈ، ٹریکٹر، چنگچی اور دیگر دستیاب مشینری کا معائنہ کرتے ہوئے کارکردگی اور انتظامات کا جائزہ لیا۔

صاحبزادہ نجیب اللہ نے میونسپل کمیٹی کے مسائل جلد حل کرنے کی یقین دہانی کراتے ہوئے ہدایت کی کہ شہر میں صفائی ستھرائی کے مؤثر انتظامات یقینی بنائے جائیں اور عوام کو پیدائش و وفات کے سرٹیفکیٹس، نکاح نامہ اور دیگر دستاویزات کے حصول میں کوئی دشواری نہ ہو۔ انہوں نے عوامی مسائل کے فوری ازالے اور میونسپل سروسز کی بہتری کے لیے مؤثر اقدامات کی بھی ہدایت کی۔

تصویر: بشکریہ ڈی جی پی آر بلوچستان