گوادر میں جی ڈی اے کے زیرِ نگرانی بڑے پیمانے پر شجرکاری اور گرین بیلٹس کی بحالی کا عمل جاری

گوادر: صوبائی حکومت بلوچستان کی ماحولیاتی بہتری، شجرکاری کے فروغ اور شہری علاقوں کو سرسبز و خوبصورت بنانے کی پالیسی کے تحت ادارہ ترقیات گوادر (جی ڈی اے) کے زیرِ نگرانی شہر میں بڑے پیمانے پر شجرکاری، گرین بیلٹس کی بحالی اور سبزہ کاری کا عمل جاری ہے۔

ڈائریکٹر جنرل جی ڈی اے معین الرحمٰن خان کی ہدایت پر شعبہ باغبانی کے افسر حمل دشتی کی نگرانی میں شہر کی مختلف شاہراہوں کے میڈینز، گرین بیلٹس، ساحلی مقامات، عوامی مقامات اور کھیلوں کے میدانوں میں موجود پودوں اور سبزہ زاروں کی باقاعدہ نگہداشت کی جا رہی ہے۔

ان اقدامات کا مقصد گوادر کو جدید ترقیاتی شہر کے ساتھ ساتھ صاف، سرسبز، خوبصورت اور ماحول دوست شہر کے طور پر فروغ دینا ہے۔

تصویر: بشکریہ ڈی جی پی آر بلوچستان