موسیٰ خیل: خدرزئی قبائل کے وفد کی اسسٹنٹ کمشنر درگ سے ملاقات، متنازع اراضی پر قبضوں کے خاتمے کا مطالبہ

موسیٰ خیل: اسسٹنٹ کمشنر درگ اظہر الدین سے ملک نصرمن اللہ جعفر کی قیادت میں خدرزئی قبائل کے وفد نے ملاقات کی، جس میں علاقے میں امن و امان اور متنازع اراضی کے قبضوں کے خاتمے پر تفصیلی تبادلۂ خیال ہوا اور وفد نے علاقے کے دیرینہ مسائل سے آگاہ کیا۔

وفد کے سربراہ ملک نصرمن اللہ جعفر نے بتایا کہ متنازع قبضوں کی وجہ سے مقامی سطح پر کشیدگی بڑھ رہی ہے، جس کے تدارک کے لیے ضلعی انتظامیہ کا فعال کردار ضروری ہے۔

اسسٹنٹ کمشنر اظہر الدین نے یقین دلایا کہ قانون کی بالادستی ہر صورت برقرار رکھی جائے گی، اور متعلقہ محکموں کو ہدایت کی کہ متنازع معاملات کا قانون کے دائرے میں رہ کر فوری اور منصفانہ حل نکالا جائے تاکہ تحصیل میں مستقل امن و امان اور بھائی چارے کی فضا قائم رہے۔

تصویر: بشکریہ ڈی جی پی آر بلوچستان