اسسٹنٹ کمشنر رکھنی کا عدالت والی گلی کا دورہ، باقاعدہ پیمائش اور تجاوزات کے خلاف کارروائی کی ہدایت

رکھنی: ڈپٹی کمشنر بارکھان سعید الرحمٰن کاکڑ کی ہدایت پر اسسٹنٹ کمشنر رکھنی فہد حسین عمرانی نے نائب تحصیلدار رکھنی کریم بخش اور پٹواری وقار احمد کے ہمراہ عدالت والی گلی کا دورہ کیا اور گلی کی باقاعدہ پیمائش کی۔

اسسٹنٹ کمشنر نے ریونیو عملے کے ساتھ گلی کی حدود، چوڑائی اور موجودہ صورتحال کا تفصیلی جائزہ لیا اور پیمائش کے عمل کی نگرانی کرتے ہوئے متعلقہ ریکارڈ اور موقع کی صورتحال بھی دیکھی۔

انہوں نے عملے کو ہدایت کی کہ سرکاری اراضی اور عوامی راستوں کی حدود واضح رکھی جائیں اور کسی بھی تجاوزات یا غیر قانونی قبضے کی صورت میں قانون کے مطابق کارروائی کی جائے۔ ان کا کہنا تھا کہ عوامی راستوں اور سرکاری اراضی کا تحفظ انتظامیہ کی اہم ذمہ داری ہے، اور شہریوں کو آمدورفت میں سہولت دینے کے لیے تمام ضروری اقدامات کیے جائیں گے۔

تصویر: بشکریہ ڈی جی پی آر بلوچستان