ڈپٹی کمشنر خضدار عبدالرزاق ساسولی کا گرلز ڈگری کالج کا اچانک دورہ، حاضری اور تدریسی عمل کا جائزہ

خضدار: صوبائی حکومت کی تعلیم دوست پالیسی کے تحت ڈپٹی کمشنر خضدار عبدالرزاق ساسولی نے گورنمنٹ گرلز ڈگری کالج خضدار کا اچانک دورہ کیا، جہاں انہوں نے مختلف شعبہ جات کا معائنہ کیا، طالبات اور اساتذہ کی حاضری چیک کی اور تدریسی عمل کا جائزہ لیا۔

کالج کی پرنسپل نے انتظامی امور، تعلیمی سرگرمیوں اور تدریسی عمل پر ڈپٹی کمشنر کو تفصیلی بریفنگ دی۔ ڈپٹی کمشنر نے مختلف کلاس رومز میں جا کر طالبات سے تعلیمی سوالات کیے اور درست جواب دینے والی طالبات کی حوصلہ افزائی کی۔

انہوں نے کہا کہ معیاری تعلیم، باقاعدہ حاضری اور سازگار تعلیمی ماحول صوبائی حکومت کی ترجیحات میں شامل ہیں، اور کالج انتظامیہ و تدریسی عملے پر زور دیا کہ طالبات کی بہتر تعلیم و تربیت، حاضری میں بہتری اور تعلیمی معیار کے فروغ کے لیے اپنی ذمہ داریاں مزید مؤثر انداز میں انجام دیں۔

تصویر: بشکریہ ڈی جی پی آر بلوچستان