وزیر اعلیٰ بلوچستان سرفراز بگٹی سے صوبائی وزراء، ارکان اسمبلی اور پیپلز پارٹی رہنماؤں کی ملاقاتیں

کوئٹہ: وزیر اعلیٰ بلوچستان میر سرفراز بگٹی سے 28 جولائی کو صوبائی وزراء، ارکان صوبائی اسمبلی، پارلیمانی سیکرٹریز اور سیاسی رہنماؤں نے الگ الگ ملاقاتیں کیں۔

وزیر اعلیٰ سے ملاقات کرنے والوں میں صوبائی وزیر سردار کوہیار خان ڈومکی، صوبائی وزیر حاجی علی مدد جتک، صوبائی وزیر خوراک نور محمد دمڑ اور ڈپٹی اسپیکر صوبائی اسمبلی محترمہ غزالہ گولہ شامل تھیں۔

ارکان صوبائی اسمبلی نوابزادہ میر ظفر اللہ زہری اور خان دولت خان بادیزئی، شیخ زرک خان مندوخیل، فضل خان قادر مندوخیل اور سید ظفر آغا نے بھی وزیر اعلیٰ سے ملاقات کی، جبکہ پارلیمانی سیکرٹریز سردار مسعود خان لونی اور حاجی ولی نورزئی بھی ملاقات کرنے والوں میں شامل تھے۔

اسی طرح سابق سینیٹر سید الحسن مندوخیل اور روزی خان کاکڑ، سابق ڈپٹی اسپیکر سردار بابر موسیٰ خیل، سابق صوبائی وزیر نصیب اللہ مری اور سابق معاون خصوصی میر اعجاز سنجرانی نے بھی وزیر اعلیٰ سے ملاقات کی۔

پیپلز پارٹی کے صوبائی صدر سردار عمر گورگیج نے سید اقبال شاہ، حیات اچکزئی اور بلوچ خان گورگیج کے ہمراہ وزیر اعلیٰ بلوچستان سے ملاقات کی۔

تصویر: بشکریہ ڈی جی پی آر بلوچستان