جیوانی: اسسٹنٹ کمشنر طارق امام کا گرلز مڈل اسکول کوہ سر بازار کا دورہ، اساتذہ کی حاضری چیک کی

جیوانی: اسسٹنٹ کمشنر جیوانی طارق امام نے گورنمنٹ گرلز مڈل اسکول کوہ سر بازار کا دورہ کیا اور تعلیمی و تدریسی سرگرمیوں، اساتذہ کی حاضری اور اسکول کے نظم و ضبط کا جائزہ لیا۔

انہوں نے طالبات سے مختلف تعلیمی سوالات کیے اور ان کی تعلیمی استعداد اور معلومات کے حوالے سے گفتگو کی۔ انہوں نے اساتذہ کی حاضری بھی چیک کی اور غیر حاضر اساتذہ کو آئندہ باقاعدگی سے حاضری یقینی بنانے کی ہدایت کی۔

اسسٹنٹ کمشنر نے کہا کہ صوبائی حکومت کی تعلیم دوست پالیسی کے تحت سرکاری تعلیمی اداروں میں معیاری تعلیم، اساتذہ کی بروقت حاضری اور تعلیمی سرگرمیوں کا تسلسل اولین ترجیحات میں شامل ہے۔ انہوں نے ہدایت کی کہ طالبات کو بہتر تعلیمی ماحول کی فراہمی اور ان کی صلاحیتیں اجاگر کرنے کے لیے تمام دستیاب وسائل بروئے کار لائے جائیں۔

تصویر: بشکریہ ڈی جی پی آر بلوچستان