لورالائی: کمک پروگرام کے تحت معذور افراد میں تھری ویل موٹر سائیکلیں اور الیکٹرک اسکوٹرز تقسیم

لورالائی: وزیر اعلیٰ بلوچستان میر سرفراز احمد بگٹی کے وژن کے مطابق پروگرام ڈائریکٹر کمک (KUMAK) منیر قمبرانی کی قیادت میں کمک پروگرام کے تحت معذور افراد کی فلاح و بہبود اور انہیں بااختیار بنانے کے اقدامات جاری ہیں، جن کے سلسلے میں مزید مستحق معذور افراد کو تھری ویل موٹر سائیکلیں اور سہ پہیہ الیکٹرک اسکوٹرز فراہم کیے جا رہے ہیں۔

اس اقدام کا مقصد خصوصی افراد کو محفوظ، آسان اور مناسب سفری سہولیات دینا ہے تاکہ ان کی نقل و حرکت، خودمختاری، معاشرتی رسائی اور معاشی خود کفالت کو فروغ ملے۔

منیر قمبرانی نے کہا کہ معذور افراد معاشرے کا اہم اور باصلاحیت حصہ ہیں اور انہیں زندگی کے ہر شعبے میں مساوی مواقع فراہم کرنا سب کی مشترکہ ذمہ داری ہے۔ انہوں نے کہا کہ مناسب سفری سہولت نہ ہونا خصوصی افراد کے لیے تعلیم، روزگار، کاروبار اور روزمرہ ضروریات تک رسائی میں بڑی رکاوٹ ہے۔

انہوں نے کہا کہ کمک پروگرام کا مقصد صرف امداد نہیں بلکہ خصوصی افراد کو خودمختار اور باوقار زندگی گزارنے کے قابل بنانا ہے، اور موٹر سائیکلوں اور اسکوٹرز کی فراہمی سے مستحق افراد ملازمت، کاروبار اور سماجی امور میں زیادہ فعال کردار ادا کر سکیں گے۔

تصویر: بشکریہ ڈی جی پی آر بلوچستان