مولانا ہدایت الرحمٰن کی ڈی جی جی ڈی اے سے ملاقات، اولڈ ٹاؤن گوادر کے منصوبوں کے افتتاح کا فیصلہ

گوادر: رکن صوبائی اسمبلی گوادر مولانا ہدایت الرحمٰن نے ڈائریکٹر جنرل گوادر ڈویلپمنٹ اتھارٹی معین الرحمٰن خان سے ان کے دفتر میں ملاقات کی۔ اس موقع پر چیف انجینئر جی ڈی اے حاجی سید محمد اور پی اے ٹو ایم پی اے وسیم صمد بھی موجود تھے۔

ملاقات میں گوادر میں جاری اور مکمل ہونے والے ترقیاتی منصوبوں، بالخصوص اولڈ ٹاؤن میں جاری بحالی و ترقیاتی منصوبوں کا تفصیلی جائزہ لیا گیا، اور اولڈ ٹاؤن بحالی منصوبے کے تحت مکمل ہونے والے بعض اہم منصوبوں، جن میں تعلیمی ادارے اور کھیلوں کے میدان شامل ہیں، کا باقاعدہ افتتاح کل بروز جمعرات کرنے کا فیصلہ کیا گیا۔

ملاقات میں شہر میں پانی کی فراہمی کی موجودہ صورتحال اور دیگر شہری و ترقیاتی امور پر بھی بات ہوئی، اور ڈی جی جی ڈی اے نے جاری منصوبوں اور شہری سہولیات کی بہتری کے اقدامات سے ایم پی اے گوادر کو آگاہ کیا۔

تصویر: بشکریہ ڈی جی پی آر بلوچستان