سیوی کے گاؤں تلی میں 10 ملین روپے کے ہیٹ اسٹروک سینٹر کے منصوبے کا افتتاح

سیوی: کمانڈنٹ سیوی اسکاؤٹس کرنل منیر احمد سلطان اور ڈپٹی کمشنر سیوی نے BSDI فیز تھری کے تحت گاؤں تلی میں 10 ملین روپے کی لاگت سے ہیٹ اسٹروک سینٹر کے منصوبے کے کام کا افتتاح کر دیا۔

اس موقع پر اسسٹنٹ کمشنر سیوی و بختیارآباد میر بہادر خان بنگلزئی، ڈی ایچ او ڈاکٹر قادر ہارون سمیت ضلعی افسران، معززین علاقہ اور عوام کی بڑی تعداد موجود تھی۔

محکمہ CW&PPH کے انجینئر نے بریفنگ میں بتایا کہ سول ورک کے ساتھ سولرائزیشن، لیتھیم بیٹریز، اوور ہیڈ ٹینک، پنکھے، الیکٹرک موٹر اور ایئر کنڈیشنرز سمیت دیگر ضروری سہولیات فراہم کی جائیں گی۔

سینٹر کی تکمیل سے تلی اور ملحقہ علاقوں کے عوام کو شدید گرمی اور ہیٹ ویو کے دوران بروقت طبی سہولیات میسر ہوں گی اور مقامی آبادی کو علاج کے لیے دور دراز علاقوں کا سفر نہیں کرنا پڑے گا۔ علاقہ مکینوں نے منصوبے کے آغاز پر خوشی کا اظہار کرتے ہوئے اسے علاقے کی اہم ضرورت قرار دیا اور حکومت و ضلعی انتظامیہ کا شکریہ ادا کیا۔

تصویر: بشکریہ ڈی جی پی آر بلوچستان