ڈپٹی کمشنر چمن حبیب احمد بنگلزئی کی زیرِ صدارت پولیو مہم کا جائزہ اجلاس، رہ جانے والے بچوں کی کوریج کی ہدایت

چمن: ڈپٹی کمشنر چمن حبیب احمد بنگلزئی کی زیرِ صدارت حالیہ پولیو مہم کے بعد جائزہ اجلاس منعقد ہوا، جس میں مہم کی مجموعی کارکردگی، بچوں کی کوریج، فیلڈ ٹیموں کی کارکردگی، رہ جانے والے بچوں اور درپیش مسائل کا جائزہ لیا گیا۔ محکمہ صحت اور پولیو پروگرام کے افسران نے اجلاس میں شرکت کی اور مہم سے متعلق تفصیلی بریفنگ دی۔

ڈپٹی کمشنر نے کہا کہ پولیو کا مکمل خاتمہ ضلعی انتظامیہ کی اہم ترجیحات میں شامل ہے۔ انہوں نے ہدایت کی کہ رہ جانے والے بچوں کی کوریج یقینی بنانے، فیلڈ ٹیموں کی مؤثر نگرانی اور آئندہ مہمات کو مزید مؤثر بنانے کے لیے تمام ضروری اقدامات کیے جائیں۔

انہوں نے کہا کہ پولیو کے خاتمے کے لیے والدین، علمائے کرام، قبائلی عمائدین اور عوام کا تعاون ناگزیر ہے اور کوئی بھی بچہ پولیو ویکسین سے محروم نہیں رہنا چاہیے۔

تصویر: بشکریہ ڈی جی پی آر بلوچستان