قلات: غربت کے عالمی دن پر پولیس لائن ہائی سکول میں تقریب، غربت کے خاتمے پر زور

قلات: غربت کے عالمی دن کی مناسبت سے ضلعی انتظامیہ اور محکمہ تعلیم کے اشتراک سے گورنمنٹ بوائز ہائی سکول پولیس لائن میں پروقار تقریب کا انعقاد کیا گیا۔

تقریب سے ہیڈماسٹر ہائی سکول پولیس لائن عبدالسلام اقبال عزیز اور دیگر نے خطاب کیا۔ انہوں نے کہا کہ غربت کا خاتمہ ایک خوشحال، مستحکم اور ترقی یافتہ معاشرے کی بنیاد ہے۔

مقررین کے مطابق غربت کے خلاف جدوجہد صرف حکومت کی ذمہ داری نہیں بلکہ اس مقصد کے حصول کے لیے معاشرے کے تمام طبقات کو اپنا کردار ادا کرنا ہوگا۔

انہوں نے کہا کہ غربت کے خاتمے کے لیے تعلیم، صحت، روزگار کے مواقع کی فراہمی اور ہنر مندی کے فروغ پر خصوصی توجہ دینا ناگزیر ہے۔ مستحق اور کم آمدنی والے افراد کو بنیادی سہولیات کی فراہمی اور انہیں معاشی طور پر خودمختار بنانے کے لیے مؤثر اقدامات وقت کی اہم ضرورت ہیں۔

ضلعی انتظامیہ عوام کی فلاح و بہبود، مستحق افراد کی معاونت اور سرکاری فلاحی اقدامات کو مؤثر انداز میں آگے بڑھانے کے لیے پرعزم ہے۔

مقررین نے اس بات پر زور دیا کہ مستحق افراد کی مدد، ضرورت مند خاندانوں کی معاونت اور معاشرے میں مساوات و ہمدردی کے فروغ سے غربت کے خاتمے کی کوششوں کو مزید مؤثر بنایا جا سکتا ہے۔