سوراب کی تاریخ میں پہلی گرینڈ خواتین کھلی کچہری، 200 سے زائد خواتین نے مسائل پیش کیے

سوراب: وزیر اعلیٰ بلوچستان میر سرفراز احمد بگٹی کے وژن اور BSDI کے تحت ڈپٹی کمشنر سوراب صاحبزادہ نجیب اللہ کی زیر صدارت گورنمنٹ گرلز ہائیر سیکنڈری اسکول ہال میں سوراب کی تاریخ میں پہلی بار گرینڈ خواتین کھلی کچہری منعقد ہوئی۔

کھلی کچہری میں ایف سی بلوچستان 61 ونگ کے کمانڈر کرنل سید فخر رفیق طلحہ، ایڈیشنل ڈپٹی کمشنر سلمان علی بلیدی، اسسٹنٹ کمشنر سوراب شئے اکبر علی بلوچ، ڈی ایس پی سوراب بلاول محمد حسنی، ضلعی افسران، اساتذہ، طالبات اور 200 سے زائد خواتین نے شرکت کی۔

خواتین نے بجلی، گیس، BISP، بینظیر انکم نشونما پروگرام، فیملی پارک، پبلک لائبریری، شاپنگ سینٹر، تعلیم، صحت، نادرا اور صاف پانی سمیت مختلف مسائل پیش کیے، جن پر ڈپٹی کمشنر نے متعلقہ افسران کو فوری کارروائی کی ہدایات جاری کیں۔

کرنل سید فخر رفیق طلحہ نے مختصر خطاب میں کہا کہ خواتین کے پیش کردہ مسائل کے حل کے لیے متعلقہ اداروں کے ساتھ مل کر جلد کارروائی کی جائے گی اور ہر ممکن تعاون فراہم کیا جائے گا۔ ڈپٹی کمشنر صاحبزادہ نجیب اللہ نے کہا کہ خواتین کے مسائل کا حل اور بنیادی سہولیات کی فراہمی ضلعی انتظامیہ کی ترجیحات میں شامل ہے اور BSDI کے تحت سوراب کی ترقی کے لیے عملی اقدامات جاری رہیں گے۔

تصویر: بشکریہ ڈی جی پی آر بلوچستان