رکھنی: ڈی ایس پی جبار مینگل کی زیرِ صدارت کرائم میٹنگ، پولیس گشت مؤثر بنانے کی ہدایت

رکھنی: ڈی ایس پی رکھنی جبار مینگل کی زیرِ صدارت کرائم میٹنگ منعقد ہوئی، جس میں علاقے میں امن و امان کی مجموعی صورتحال، جرائم کی روک تھام، پولیس گشت اور دیگر اہم امور کا تفصیلی جائزہ لیا گیا۔ میٹنگ میں ایس ایچ او رکھنی یونس خان کھیتران، ایس ایچ او شاہ زمان کھیتران سمیت دیگر پولیس افسران و اہلکاروں نے شرکت کی۔

ڈی ایس پی جبار مینگل نے افسران کو امن و امان کی صورتحال مزید بہتر بنانے، جرائم پیشہ عناصر کے خلاف مؤثر کارروائی کرنے اور پولیس گشت کو مزید مؤثر بنانے کی ہدایات دیں۔ انہوں نے کہا کہ عوام کے جان و مال کے تحفظ کو ہر صورت یقینی بنایا جائے اور جرائم کی روک تھام کے لیے تمام دستیاب وسائل بروئے کار لائے جائیں۔

ڈی ایس پی نے افسران پر زور دیا کہ شہریوں کے ساتھ بہتر رویہ اپناتے ہوئے ان کے مسائل کے فوری حل کے لیے مؤثر اقدامات کیے جائیں۔

تصویر: بشکریہ ڈی جی پی آر بلوچستان