حب میں الیکٹرک انسپکٹر سراج احمد سمالانی کی کھلی کچہری، کے الیکٹرک صارفین کی شکایات سنیں

حب: دفتر الیکٹرک انسپکٹر، محکمہ توانائی بلوچستان، حب کے زیرِ اہتمام کے الیکٹرک کے صارفین کو درپیش بجلی سے متعلق مسائل اور شکایات کے فوری ازالے کے لیے 2 اکتوبر 2026 کو کھلی کچہری منعقد کی گئی، جس کی صدارت الیکٹرک انسپکٹر محکمہ توانائی بلوچستان انجینئر سراج احمد سمالانی نے کی۔

کھلی کچہری کا مقصد ضلع حب کے کے الیکٹرک صارفین کو بجلی کی فراہمی، زائد بلنگ، غلط میٹر ریڈنگ، بجلی کے بلوں میں بے ضابطگیوں، تکنیکی خرابیوں اور دیگر متعلقہ مسائل کے حل کے لیے براہِ راست اور مؤثر پلیٹ فارم فراہم کرنا تھا، جہاں صارفین نے اپنی شکایات اور مسائل متعلقہ حکام کے سامنے پیش کیے۔

الیکٹرک انسپکٹر انجینئر سراج احمد سمالانی نے صارفین کی شکایات کا تفصیلی جائزہ لیا اور ان کے ساتھ موجود دستاویزی ثبوت، بالخصوص بجلی کے بل، سابقہ درخواستوں و شکایات کی نقول اور دیگر ضروری دستاویزات کی جانچ پڑتال کی۔ انہوں نے متعلقہ حکام کو شکایات کے فوری ازالے اور صارفین کو ریلیف کی فراہمی کے لیے ضروری احکامات بھی جاری کیے۔

صارفین کو یقین دہانی کرائی گئی کہ جائز شکایات کے ازالے کے لیے مقررہ قواعد و ضوابط کے مطابق ہر ممکن اقدامات کیے جائیں گے۔

تصویر: بشکریہ ڈی جی پی آر بلوچستان