اپوزیشن لیڈر وزیراعظم ہاؤس جانے کو تیار، وزیر اطلاعات پر ترجمان کی تنقید

اسلام آباد: اپوزیشن اتحاد تحریک تحفظ آئین پاکستان کے ترجمان اخونزادہ حسین یوسفزئی نے کہا ہے کہ اپوزیشن لیڈر وزیراعظم ہاؤس جانے کو تیار ہیں تاکہ پاکستان کو بحرانوں سے نکالا جا سکے۔

ترجمان نے کہا کہ وزیر اطلاعات کو حکومت اور اپوزیشن مذاکرات کے بنیادی نکات تک کا علم نہیں۔ ان کے مطابق عطا تارڑ کو بات کرنے سے پہلے رانا ثنا اللہ اور طارق فضل چوہدری سے بات کر لینی چاہیے تھی۔

انہوں نے کہا کہ عطا تارڑ کو اعظم نذیر تارڑ سے پوچھ لینا چاہیے تھا کہ حقیقت کیا ہے، اور ان افراد سے پوچھ کر جان لینا چاہیے تھا کہ کون پیچھے ہٹا ہے۔

اخونزادہ حسین یوسفزئی نے کہا کہ اپوزیشن لیڈر نے حکومت کو ایک مرتبہ پھر سنجیدہ مکالمے کی دعوت دی ہے اور کہا ہے کہ وہ وزیراعظم ہاؤس جانے کے لیے تیار ہیں۔