لام فیشن ویک کا تیسرا روز، مشرقی و مغربی ملبوسات کی نمائش

لاہور: ایکسپو سینٹر لاہور میں جاری چار روزہ لام فیشن ویک کے تیسرے روز معروف اور نئے ڈیزائنرز نے عروسی، مشرقی اور مغربی ملبوسات کی کلیکشنز پیش کیں۔ نامور اداکارہ سونیا حسین ڈیزائنر فہد حسین کے شو کی شو اسٹاپر بنیں۔

دن کے پہلے شو میں ایل ایف ڈبلیو ریٹیل رن وے کے تحت ایم آئی ایس ایل کی کلیکشن شام سحر پیش کی گئی، جس میں غروب آفتاب اور دن سے رات میں ڈھلنے کے مناظر سے متاثر ڈیزائن شامل تھے۔ اس کے بعد ابان ذوہان کی تہواروں کے لیے تیار کردہ کلیکشن پیش کی گئی۔ آغا جان نے پاکستانی روایتی ملبوسات کو جدید انداز میں پیش کیا، جبکہ ملہار ری سرجنس کلیکشن میں زری، زردوزی اور ہاتھ سے کیے گئے روایتی کام کو نمایاں کیا گیا۔

تیسرے روز کے دوسرے شو، ایل ایف ڈبلیو ایڈٹ میں یو اینڈ آئی بائی عمر عمرانہ کی کلیکشن پیش کی گئی۔ اس کے بعد پراجیکٹ 1959، صدبرگ اور ارمیس حئی جان کی تخلیقات ریمپ پر پیش کی گئیں۔

ڈیزائنر شوکیس میں ایم او بائی محسن توسلی کی کلیکشن کے بعد سوچاج بائی مہک جنید کی این اوڈ ٹو اولڈ ورلڈ چارم پیش کی گئی۔ اس شو میں برانڈ ریچی میلیون کی کلیکشن بھی شامل تھی۔

تیسرے روز کے آخری شو میں معروف ڈیزائنر فہد حسین کی کلیکشن پرنٹ میوزیم این اٹلس آف ایمپائر پیش کی گئی، جس میں اداکارہ سونیا حسین شو اسٹاپر تھیں۔

لام فیشن ویک میں حسین ریہار، ایچ ایس وائی، کرما، نکی نینا، دیپک پروانی، مہاگل، وردا سلیم، سبلائم بائی سارا، ظہیر عباس، زینب چھوٹانی، دی پنک ٹری، فائزہ سمیع، کھاڈی، عمران راجپوت، ثانیہ مسکتیہ، میراث بائی نیلوفر شاہد، مہدی اور دیگر ڈیزائنرز کی کلیکشنز بھی پیش کی جا رہی ہیں۔