ایس سی او سربراہی اجلاس کے انتظامات، اسحاق ڈار کی تمام ضروری اقدامات یقینی بنانے کی ہدایت

اسلام آباد: نائب وزیراعظم اور وزیر خارجہ سینیٹر اسحاق ڈار کی زیر صدارت شنگھائی تعاون تنظیم (ایس سی او) کے سربراہانِ مملکت کے 2027 کے اجلاس کے حوالے سے فالو اپ کمیٹی کا اجلاس ہوا۔

اجلاس میں سربراہی اجلاس کے مجوزہ مقام پر پیش رفت اور تیاریوں سمیت مہمانوں کی رہائش کے لیے دستیاب سہولیات کا جائزہ لیا گیا۔

اسحاق ڈار نے متعلقہ حکام کو ہدایت کی کہ آئندہ سربراہی اجلاس کے کامیاب انعقاد کے لیے تمام ضروری انتظامات بروقت مکمل کیے جائیں اور اجلاس کے دوران تمام امور کو ہموار اور مؤثر انداز میں یقینی بنایا جائے۔

اجلاس میں وزیراعظم کے معاون خصوصی طارق باجوہ، سیکرٹری خارجہ، سیکرٹری داخلہ، ایس سی او کے لیے پاکستان کے قومی رابطہ کار، چیئرمین سی ڈی اے سمیت متعلقہ وزارتوں اور اداروں کے اعلیٰ حکام نے شرکت کی۔