چیف منسٹر بلوچستان ایمپلائمنٹ پروگرام: کراچی میں پہلے بیچ کے منتخب نوجوانوں کے اعزاز میں تقریب

کراچی: چیف منسٹر بلوچستان ایمپلائمنٹ پروگرام کے تحت کراچی میں کیو ٹیکنالوجیز کے اشتراک سے اس پروگرام کے پہلے بیچ کے لیے منتخب بلوچستان کے نوجوانوں کے اعزاز میں تقریب منعقد کی گئی۔

تقریب میں سیکرٹری لیبر اینڈ مین پاور بلوچستان صالح محمد ناصر، ایم ڈی بی ٹیوٹا بلوچستان عبدالکبیر خان زرکون، ڈی جی نیوٹیک سندھ فدا محمد خان بازئی، کیو ٹیکنالوجیز کے بورڈ آف ڈائریکٹرز کے سید واجہ الدین اور دیگر مقررین نے شرکت کی۔

سیکرٹری لیبر اینڈ مین پاور صالح محمد ناصر نے خطاب کرتے ہوئے کہا کہ وزیراعلیٰ بلوچستان میر سرفراز بگٹی اور چیف سیکرٹری شکیل قادر خان کے وژن کے تحت بلوچستان کے نوجوانوں کو بااختیار بنانے اور انہیں روزگار کے بہترین مواقع فراہم کرنے کے لیے چیف منسٹر ایمپلائمنٹ پروگرام کا آغاز کیا گیا، جس سے بلوچستان کے نوجوانوں میں ترقی اور خوشحالی آئے گی۔

دیگر مقررین نے کہا کہ یہ پروگرام نوجوان نسل کے لیے روشن مستقبل کی جانب پہلا قدم ہے جو ان شاء اللہ مستقبل میں بھی جاری و ساری رہے گا۔

تصویر: بشکریہ ڈی جی پی آر بلوچستان