سیوی میں 12 ربیع الاول کے جلوس پُرامن، کمشنر اسداللہ فیض اور ڈپٹی کمشنر الیاس کبزئی کی سیکیورٹی نگرانی

سیوی: 12 ربیع الاول کے موقع پر سیوی میں عاشقانِ رسول ﷺ نے آقائے دو جہاں حضرت محمد مصطفیٰ ﷺ سے عقیدت و محبت کے اظہار کے لیے مذہبی جلوسوں اور ریلیوں کا انعقاد کیا، جبکہ ضلعی انتظامیہ سیوی کی جانب سے فول پروف سیکیورٹی کے جامع انتظامات کیے گئے۔

کمشنر سیوی ڈویژن اسداللہ فیض، ڈپٹی کمشنر سیوی میجر (ر) الیاس کبزئی اور ایس ایس پی سیوی عبدالحمید نے سیکیورٹی انتظامات کی نگرانی کی، جبکہ ضلعی انتظامیہ، پولیس اور دیگر قانون نافذ کرنے والے اداروں کے افسران و اہلکار جلوسوں کے روٹس اور اہم مقامات پر موجود رہے۔

وزیر اعلیٰ بلوچستان میر سرفراز بگٹی کی خصوصی ہدایات کی روشنی میں امن و امان برقرار رکھنے، مذہبی جلوسوں کی منظم انداز میں برآمدگی اور شہریوں کے جان و مال کے تحفظ کے لیے جامع اور مؤثر اقدامات کیے گئے۔ جلوسوں کے روٹس پر سیکیورٹی کے خصوصی انتظامات، ٹریفک کی روانی اور دیگر ضروری امور کی مسلسل نگرانی کے باعث 12 ربیع الاول کے مذہبی جلوس پُرامن ماحول میں منعقد ہوئے۔

تصویر: بشکریہ ڈی جی پی آر بلوچستان