اوتھل کے گورنمنٹ ماڈل اسکول سے یومِ استحصالِ کشمیر ریلی، اسسٹنٹ کمشنر آفتاب احمد لاسی کی قیادت

اوتھل: ضلعی انتظامیہ لسبیلہ کی جانب سے ضلعی ہیڈکوارٹر اوتھل کے گورنمنٹ ماڈل اسکول میں یومِ استحصالِ کشمیر کے حوالے سے اسسٹنٹ کمشنر اوتھل آفتاب احمد لاسی کی قیادت میں ریلی نکالی گئی۔

ریلی میں چیئرمین ایم سی اوتھل سید سومار شاہ، وائس چیئرمین وسیم احمد لاسی، ڈی ڈی او ایجوکیشن اوتھل محمد اطہر قریشی، چیف آفیسر محمد خان دودا، پرنسپل گورنمنٹ بوائز ہائیر سیکنڈری اسکول اوتھل سمیت اساتذہ، طلبہ اور شہریوں کی بڑی تعداد نے شرکت کی۔ ریلی کا مقصد کشمیری عوام سے اظہارِ یکجہتی اور ان کی جدوجہد کی حمایت کرنا تھا۔

اسسٹنٹ کمشنر آفتاب احمد لاسی اور دیگر مقررین نے کہا کہ پاکستان کشمیری عوام کے ساتھ ہے اور ان کے حقِ خودارادیت کی مکمل حمایت کرتا ہے۔ انہوں نے عالمی برادری سے کشمیر میں جاری مظالم کا نوٹس لینے کا مطالبہ کیا۔

شرکاء نے پلے کارڈز اور بینرز اٹھا رکھے تھے جن پر کشمیری عوام سے یکجہتی کے نعرے درج تھے۔ ضلعی انتظامیہ کے مطابق ایسی تقریبات کا مقصد نئی نسل میں کشمیر کاز کے حوالے سے شعور اجاگر کرنا ہے۔

تصویر: بشکریہ ڈی جی پی آر بلوچستان