رکھنی میں ایڈیشنل کمشنر کوہِ سلیمان کی زیرِ صدارت سی آر سی اجلاس، کنٹریکٹ اساتذہ کی بھرتیوں کی شکایات کا جائزہ

بارکھان/رکھنی: ایڈیشنل کمشنر کوہِ سلیمان ڈویژن عبدالباسط بزدار کی زیرِ صدارت محکمہ تعلیم میں کنٹریکٹ بنیادوں پر اساتذہ کی بھرتیوں سے متعلق موصول ہونے والی شکایات کے ازالے کے لیے قائم شکایات ازالہ کمیٹی (CRC) کا اجلاس کمشنر آفس رکھنی میں منعقد ہوا۔

اجلاس میں اسسٹنٹ کمشنر بارکھان احسام الدین کاکڑ، ڈسٹرکٹ ایجوکیشن آفیسر نوید لطیف، پرنسپل گورنمنٹ ڈگری کالج بارکھان نور اللہ، پرنسپل گورنمنٹ گرلز انٹر کالج صغریٰ اشرف، پی ایس ٹو کمشنر حاجی حبیب خان اور دیگر افسران نے شرکت کی۔

اجلاس میں امیدواروں کی جانب سے موصول ہونے والی شکایات کا تفصیلی جائزہ لیا گیا اور تمام امیدواروں کو اپنا مؤقف پیش کرنے کا مکمل موقع دیا گیا۔

ایڈیشنل کمشنر عبدالباسط بزدار نے ہدایت کی کہ تمام شکایات میرٹ، شفافیت اور مقررہ قواعد و ضوابط کے مطابق نمٹائی جائیں تاکہ کنٹریکٹ بنیادوں پر اساتذہ کی بھرتیوں کا عمل مکمل طور پر منصفانہ، شفاف اور قانون کے مطابق پایۂ تکمیل تک پہنچ سکے۔ انہوں نے کہا کہ شکایات کے بروقت اور غیر جانبدارانہ ازالے سے عوام کا اعتماد مزید مستحکم ہوگا۔

تصویر: بشکریہ ڈی جی پی آر بلوچستان