ماشکیل میں عرشیان میڈیکل ہسپتال کا افتتاح، میر حاجی زابد علی ریکی کا بہتر طبی سہولیات پر زور

ماشکیل: پی ایم پی اے و خادم واشک میر حاجی زابد علی ریکی نے ماشکیل میں عرشیان میڈیکل ہسپتال کا باقاعدہ افتتاح کر دیا۔

افتتاحی تقریب میں علاقے کی سیاسی، سماجی اور قبائلی شخصیات، محکمہ تعلیم کے افسران، ڈاکٹرز اور مختلف شعبہ ہائے زندگی سے تعلق رکھنے والے معززین نے شرکت کی۔

تقریب میں ڈاکٹر محمد رفیق سیاہ پاد، ڈپٹی ڈسٹرکٹ ایجوکیشن آفیسر ماشکیل عبدالرازق ساسولی، بی آر ایس پی ڈسٹرکٹ واشک کے ہیڈ حبیب ملنگزئی، میر حاجی اسحاق ملنگزئی، میر حاجی نذیر احمد حسنی، میر عکاہشہ ملازئی، میر آسا احمدزئی، ڈاکٹر سرفراز حسنی، ڈاکٹر محمد اشرف ریکی، میر سیف اللہ احمدزئی، مولوی عبدالروف، مولوی عبداللہ، حافظ محمود، میر حاجی غوث بخش سہر، ڈاکٹر ندیم ملنگزئی، عبدالغنی بلوچ، ممتاز سماجی کارکن و صحافی نصیر کبدانی، میر حفیظ حسنی، حاجی وسیم ریکی، میر برکت حسنی، ڈاکٹر نصیب اللہ سیاہ پاد، میر حاجی مراد دھیانی اور شہزاد ساسولی سمیت دیگر معززین موجود تھے۔

طبی سہولیات وقت کی اہم ضرورت

تقریب سے خطاب کرتے ہوئے میر حاجی زابد علی ریکی نے کہا کہ علاقے میں طبی سہولیات کی فراہمی اور صحت کے شعبے کی بہتری وقت کی اہم ضرورت ہے۔

ان کا کہنا تھا کہ عوام کو بہتر طبی سہولیات کی فراہمی سے نہ صرف مریضوں کو فائدہ پہنچے گا بلکہ علاقے کے لوگوں کو علاج معالجے کے حوالے سے درپیش مشکلات کم کرنے میں بھی مدد ملے گی۔

انہوں نے کہا کہ صحت کا شعبہ انسانی زندگی سے براہ راست وابستہ ہے اور عوام کو معیاری طبی سہولیات کی فراہمی کے لیے تمام متعلقہ اداروں اور شعبوں کو اپنا کردار ادا کرنا چاہیے۔

تقریب کے اختتام پر عرشیان میڈیکل ہسپتال کی کامیابی، علاقے کی ترقی، خوشحالی اور عوام کی صحت و سلامتی کے لیے خصوصی دعا کی گئی۔