سیوی: گورنمنٹ بوائز ماڈل ہائی سکول میں یومِ اساتذہ کی تقریب، پرنسپل محمد عارف بیگ کا خطاب

سیوی: گورنمنٹ بوائز ماڈل ہائی سکول سیوی میں گزشتہ روز یومِ اساتذہ عقیدت و احترام اور پروقار انداز میں منایا گیا، جس میں اساتذہ اور طلباء نے شرکت کی اور اساتذہ کے مقام اور تعلیمی و تربیتی خدمات کو خراجِ تحسین پیش کیا۔

تقریب سے خطاب کرتے ہوئے سکول کے پرنسپل محمد عارف بیگ اور دیگر مقررین نے معاشرے کی تعمیر و ترقی میں اساتذہ کے بنیادی کردار پر روشنی ڈالی۔ انہوں نے کہا کہ استاد ایک نسل کی تعلیم و تربیت کے ساتھ طلبہ کی کردار سازی اور انہیں مستقبل کے چیلنجز کے لیے تیار کرنے میں اہم کردار ادا کرتا ہے۔

مقررین نے طلبہ پر زور دیا کہ وہ اساتذہ کا ہمیشہ احترام کریں، ان کی رہنمائی سے بھرپور استفادہ کریں اور علم و اخلاق کو زندگی کا حصہ بنائیں، کیونکہ استاد کی عزت اور علم کا حصول ایک مہذب، باشعور اور کامیاب معاشرے کی بنیاد ہے۔ تقریب میں اساتذہ کی خدمات کو سراہا گیا اور طلبہ کو تعلیم، نظم و ضبط اور اساتذہ کے احترام کی اہمیت سے آگاہ کیا گیا۔

تصویر: بشکریہ ڈی جی پی آر بلوچستان