ڈپٹی کمشنر آفس سوراب میں یوم دفاع پر پرچم کشائی اور ریلی، صاحبزادہ نجیب اللہ کی سربراہی

سوراب: یوم دفاع پاکستان کے موقع پر ڈپٹی کمشنر سوراب صاحبزادہ نجیب اللہ کی سربراہی میں ڈپٹی کمشنر آفس میں پروقار تقریب منعقد ہوئی جس میں انہوں نے قومی پرچم کشائی کی۔

اس موقع پر ایف سی بلوچستان 61 ونگ کے میجر بدر، ایڈیشنل ڈپٹی کمشنر سلمان علی بلیدی، ڈی ایس پی بلاول محمد حسنی، ڈی ایس پی عزیز احمد خدرانی سمیت ضلعی افسران، صحافیوں، سول سوسائٹی اور شہریوں نے بڑی تعداد میں شرکت کی۔

بعد ازاں ڈپٹی کمشنر کی سربراہی میں ڈپٹی کمشنر آفس سے ریلی نکالی گئی جو شہر کے مختلف راستوں سے ہوتی ہوئی واپس ڈپٹی کمشنر آفس پہنچ کر ختم ہوئی۔ شرکاء نے 6 ستمبر کے شہداء و غازیوں کو خراج عقیدت پیش کیا اور پاکستان کی سلامتی، استحکام اور ترقی کے عزم کا اظہار کیا۔

تصویر: بشکریہ ڈی جی پی آر بلوچستان