اسسٹنٹ کمشنر بلیدہ ابوبکر میروانی کی ایم ڈی پی پی ایچ آئی مرتضیٰ بلوچ سے ملاقات، بی ایچ یوز پر بریفنگ

تربت: اسسٹنٹ کمشنر بلیدہ ابوبکر میروانی نے پی پی ایچ آئی کے منیجنگ ڈائریکٹر (ایم ڈی) مرتضیٰ بلوچ سے ملاقات کی۔ اس موقع پر مکران ڈویژن کے ڈویژنل ڈائریکٹر ہیلتھ ڈاکٹر محب اللہ بھی موجود تھے۔

ملاقات کے دوران ایم ڈی پی پی ایچ آئی مرتضیٰ بلوچ نے اسسٹنٹ کمشنر بلیدہ کو بلیدہ کے بنیادی مراکزِ صحت (بی ایچ یوز) کی صورتحال اور طبی سہولیات کی فراہمی کے حوالے سے بریفنگ دی۔ انہوں نے بتایا کہ بلیدہ کے تمام بنیادی مراکزِ صحت فعال ہیں اور طبی عملہ اپنی ذمہ داریاں انجام دے رہا ہے، جبکہ ملازمین کی حاضری اور ڈیوٹی کی نگرانی کے لیے مصنوعی ذہانت (اے آئی) پر مبنی جدید مانیٹرنگ سسٹم بھی استعمال کیا جا رہا ہے۔

اسسٹنٹ کمشنر بلیدہ ابوبکر میروانی نے بنیادی مراکزِ صحت کی فعالیت اور طبی سہولیات کی فراہمی کے لیے پی پی ایچ آئی کے اقدامات کو سراہتے ہوئے ادارے کی کارکردگی کو خراجِ تحسین پیش کیا۔ انہوں نے کہا کہ عوام کو بہتر طبی سہولیات کی فراہمی کے لیے ضلعی انتظامیہ اور محکمہ صحت کے متعلقہ اداروں کے درمیان مؤثر تعاون ناگزیر ہے، اور یقین دلایا کہ جہاں بھی ضلعی انتظامیہ کے تعاون اور معاونت کی ضرورت ہوگی، انتظامیہ ہر ممکن تعاون فراہم کرنے کے لیے ہمہ وقت تیار ہے۔

تصویر: بشکریہ ڈی جی پی آر بلوچستان