اوتھل: درگاہ سید فدا حسین شاہ بخاری کے سالانہ تین روزہ میلے کے لیے سیکیورٹی پلان منظور

اوتھل: کمشنر لسبیلہ ڈویژن سائرہ عطاء کے احکامات پر ڈسٹرکٹ ایڈمنسٹریشن لسبیلہ نے درگاہ سید فدا حسین شاہ بخاری کے سالانہ تین روزہ میلے کے پُرامن انعقاد کے لیے خصوصی سیکیورٹی پلان کی منظوری دے دی ہے۔ میلہ 24 ستمبر سے شروع ہو کر تین روز تک جاری رہے گا۔

میلے کے موقع پر ایس ایس پی لسبیلہ نجیب اللہ پندرانی کی زیرِ نگرانی اور ایس ایچ او اوتھل وحید علی مگسی کی ٹیم کی قیادت میں انتہائی سخت حفاظتی انتظامات کیے جا رہے ہیں۔

میلے کے آغاز پر درگاہ کے خلفاء کی جانب سے چادر چڑھائی جائے گی اور ملک و قوم کی سلامتی، خوشحالی اور امن کے لیے خصوصی دعا کی جائے گی۔ تینوں روز ملھ پہلوان اپنے فن کا مظاہرہ کریں گے۔ میلے میں سندھ اور بلوچستان کے مختلف علاقوں سے ہزاروں عقیدت مندوں کی شرکت متوقع ہے۔

تصویر: بشکریہ ڈی جی پی آر بلوچستان