ڈی ایچ او کیچ ڈاکٹر عبدالرؤف بلوچ کا پولیو مہم کے پہلے روز یونین کونسل تربت سٹی کا دورہ

تربت: ڈسٹرکٹ ہیلتھ آفیسر کیچ ڈاکٹر عبدالرؤف بلوچ نے ستمبر 2026ء کی پولیو مہم کے پہلے روز تحصیل تربت کی یونین کونسل تربت سٹی کا دورہ کیا اور مختلف پولیو ٹیموں کی کارکردگی کا جائزہ لیا۔

انہوں نے فیلڈ میں موجود فرنٹ لائن ورکرز سے ملاقات کی، ان کی خدمات کو سراہا اور مہم مؤثر انداز میں جاری رکھنے کی ہدایت کی۔ انہوں نے کہا کہ پولیو کے خاتمے کے لیے فیلڈ ورکرز کی ذمہ دارانہ کارکردگی اور والدین کا تعاون نہایت اہم ہے۔

انہوں نے عوام سے اپیل کی کہ پانچ سال سے کم عمر بچوں کو پولیو سے بچاؤ کے قطرے ضرور پلائیں اور مہم کی کامیابی کے لیے محکمہ صحت کی ٹیموں سے تعاون کریں۔

تصویر: بشکریہ ڈی جی پی آر بلوچستان