ڈپٹی کمشنر چمن حبیب احمد بنگلزئی کی زیر صدارت پی ٹی ایس ایم سیز کا اجلاس، اسکولوں کی بہتری پر غور

چمن: ڈپٹی کمشنر چمن حبیب احمد بنگلزئی کی زیرِ صدارت Parent Teacher School Management Committee اور Project Management Unit کا اہم اجلاس منعقد ہوا، جس میں ضلع کے تعلیمی اداروں سے متعلق امور، اسکولوں کی کارکردگی اور تعلیمی نظام کی بہتری کے لیے جاری اقدامات کا جائزہ لیا گیا۔

اجلاس میں PTSMCs کے کردار، اسکولوں میں دستیاب سہولیات، طلبہ و اساتذہ کے مسائل، تعلیمی ماحول کی بہتری اور اسکولوں کے انتظامی معاملات پر تفصیلی غور کیا گیا۔

ڈپٹی کمشنر نے کہا کہ ضلع چمن میں معیاری تعلیم کے فروغ کے لیے تمام اداروں کو اپنی ذمہ داریاں مؤثر انداز میں ادا کرنا ہوں گی اور والدین، اساتذہ اور اسکول مینجمنٹ کمیٹیوں کے درمیان مؤثر رابطہ تعلیمی نظام کی بہتری میں اہم کردار ادا کر سکتا ہے۔

انہوں نے ہدایت کی کہ اسکولوں کے مسائل کی نشاندہی کرکے ان کے حل کے لیے عملی اقدامات کیے جائیں اور کمیٹیوں کو فعال بنا کر والدین اور مقامی کمیونٹی کی شمولیت یقینی بنائی جائے۔ اجلاس میں متعلقہ محکموں کے افسران اور PMU کے نمائندوں نے شرکت کی اور تعلیمی نظام کو مؤثر، شفاف اور فعال بنانے کے لیے باہمی تعاون جاری رکھنے کا عزم ظاہر کیا۔

تصویر: بشکریہ ڈی جی پی آر بلوچستان