موسیٰ خیل: ڈپٹی کمشنر عبدالرزاق خجک کی زیر صدارت ڈسٹرکٹ پولیو ایمرجنسی کمیٹی کا اجلاس

موسیٰ خیل: ڈپٹی کمشنر عبدالرزاق خجک کی زیرِ صدارت انسدادِ پولیو مہم کے حوالے سے ڈسٹرکٹ پولیو ایمرجنسی کمیٹی (ڈی پیک) کا اجلاس منعقد ہوا، جس میں ایس پی پولیس کلیم اللہ کاکڑ، اسسٹنٹ کمشنر موسیٰ خیل نجیب اللہ کاکڑ، ڈسٹرکٹ ہیلتھ آفیسر ڈاکٹر مجیب بگٹی، ڈسٹرکٹ پولیو آفیسر ڈاکٹر عزت اور متعلقہ محکموں کے سربراہان نے شرکت کی۔

ڈپٹی کمشنر نے کہا کہ پولیو کا خاتمہ ضلعی انتظامیہ کی اولین ترجیح ہے۔ انہوں نے ہدایت کی کہ مہم کے دوران سو فیصد ہدف کا حصول یقینی بنایا جائے تاکہ ضلع کے کسی بچے کو اس موذی مرض سے بچانے میں کوئی کسر نہ رہے۔

انہوں نے تمام محکموں کو باہمی تعاون اور بہترین کوآرڈینیشن سے کام کرنے کی ہدایت کی اور والدین سے اپیل کی کہ وہ مہم کے دوران پولیو ورکرز سے بھرپور تعاون کریں۔

تصویر: بشکریہ ڈی جی پی آر بلوچستان