فرانس میں مہنگائی کے خلاف احتجاج پرتشدد، لیموج کا 143 سال پرانا ٹاؤن ہال نذر آتش

پیرس: فرانس میں مہنگائی کے خلاف احتجاج پرتشدد ہو گیا۔ شہر لیموج میں نقاب پوش مظاہرین نے 143 سال پرانے تاریخی ٹاؤن ہال کو آگ لگا دی، جس سے عمارت کی چھت گر گئی۔

مارسیلی میں مظاہرین سٹی ہال میں گھس گئے، مجسمہ الٹ دیا اور فرنیچر توڑ دیا۔ لیل شہر میں میئر کے دفتر میں بھی توڑ پھوڑ کی گئی۔

پیرس سمیت مختلف شہروں میں مظاہرین اور پولیس آمنے سامنے آ گئے۔ پولیس نے مظاہرین کو منتشر کرنے کے لیے آنسو گیس اور واٹر کینن کا استعمال کیا۔

مظاہرے مہنگائی، حکومتی پالیسیوں اور پولیس کے مبینہ تشدد کے خلاف کیے گئے۔

فرانسیسی وزیرِ اعظم کے مطابق ملک بھر میں 1200 سے زائد مظاہرین گرفتار اور ڈیڑھ سو پولیس اہلکار زخمی ہوئے۔