سوراب میں یومِ آزادی ریلی، ڈپٹی کمشنر صاحبزادہ نجیب اللہ کی قیادت میں شہریوں کی بھرپور شرکت

سوراب: 79ویں یومِ آزادی کی تقریبات کے سلسلے میں ڈپٹی کمشنر سوراب صاحبزادہ نجیب اللہ کی سربراہی میں شاندار ریلی نکالی گئی، جس میں ایف سی بلوچستان 61 ونگ کے کمانڈر کرنل سید فخر رفیق طلحہ، ایس پی سوراب خورشید احمد بلوچ، ایڈیشنل ڈپٹی کمشنر سلمان علی بلیدی، اسسٹنٹ کمشنر شئے اکبر علی، ڈی ایس پی بلاول احمد محمد حسنی سمیت ضلعی محکموں کے سربراہان، صحافیوں اور شہریوں کی بڑی تعداد شریک ہوئی۔

ریلی ڈپٹی کمشنر آفس سوراب سے شروع ہو کر شہر کے مختلف راستوں سے ہوتی ہوئی دوبارہ ڈپٹی کمشنر آفس پہنچ کر ختم ہوئی۔ شرکاء نے قومی پرچم اٹھا رکھے تھے اور پاکستان زندہ باد اور پاک فوج و سیکیورٹی فورسز کے حق میں نعرے لگائے۔ عوام کی بھرپور شرکت نے اجاگر کیا کہ سوراب کے عوام وطن سے والہانہ محبت رکھتے ہیں اور قومی دن منانے کے لیے ضلعی انتظامیہ کے شانہ بشانہ کھڑے ہیں۔

تصویر: بشکریہ ڈی جی پی آر بلوچستان